Кошаркарите на Работнички доживеаја убедлив пораз од 106:77 од Широки со што ги намалија шансите за за пласман во плејофот во АБА2-лигата.

Одлучувачки момент на натпреварот беше третата четвртина која кошаркарите на Работнички ја одиграа катастрофално, дадоа само 18 поени, а примија дури 41 поен по што играчите на Широки во последниот период од играта влегоа со 19 поени предност (76:55) за на крајот да слават со 29 поени разлика.

Стефан Балмазовиќ и Демиер Питс со по 22 поени беа најпрецизни кај Работнички кој настапот на турнирот во Сараево го заврши со два порази и една победа и сега има скор од три победи и дури седум порази со што се наоѓа на две победи од осмото место на табелата кое носи во плејофот. Наредниот турнир во АБА2 лигата ќе се игра на Златибор од 22 до 27 март.