Уште еден повозрасен граѓанин останал без голема сума пари откако измамник, кој лажно се претставил како лекар, ја искористил познатата приказна со повреден член на семејството, за да го убеди да му даде 10.000 евра, соопшти МВР.

„На 24.02.2026 во 13:30 часот во СВР Битола, 83-годишник од Битола пријави дека бил измамен од едно лице за сума од 10.000 евра. Според пријавеното, лицето му се јавило, се претставило како лекар и му кажало дека неговата внука паднала по скали и се здобила со тешки телесни повреди и било потребно да се направи итна операција, за што требало да плати. Како што е пријавено, тој ги дал парите на едно лице кое дошло пред неговата врата, а откако подоцна се слушнал со неговиот син, сфатил дека е измамен. Се преземаат мерки за расчистување на случајот“, велат од полицијата.

Жена прегазена на улица во Карпош – возачот избегал, но полицијата го пронајде