20 C
Скопје

Скапоцени камчиња кои штитат од болести, носат среќа и љубов, кое камче ви е најпотребно?

На половина пат меѓу астрологијата, езотеријата и популарната култура: изгледа дека традицијата на носење камчиња за заштита од негативности, но и за среќа, датира од петнаесеттиот век, и тоа од Полска. Со текот на годините, гемолошките студии се обидоа да докажат како камчињата можат да имаат позитивни ефекти врз нашиот живот, особено врз основа на месецот во кој се користат и периодот на раѓање на лицето кое сака да ги искористи придобивките од ваквите камчиња.

Скапоцени камчиња се поврзани и со хороскопските знаци, со тоа овие верувања стануваат уште пофасцинантни и помистериозни.

Ви откриваме кое камче одговара на секој месец од годината, објаснувајќи ги неговите својства и какви корисни ефекти може да имаме од одредено камче.

profimedia

Јануари – гранат

Родените во месец јануари астролошки можат да бидат или Јарец или Водолија, а нивното камче заштитник е гранатот. Може да се најде во различни бои, од сина до жолта и портокалова, но најпозната е црвената боја. Терминот „гранат“ потекнува од латинскиот „гранат“ или „семе“, токму затоа што овој скапоцен камен наликува на семките од калинка кои веќе биле познати како „добар знак“ во античко време.

Гранатот би зајакнал некои квалитети на хороскопскиот знак Јарец и би помогнал во развивање на одредени вештини кај Водолијата. Всушност, тој ја зголемува самодовербата и издржливоста и се смета дека има енергетски и регенерирачки својства.

Неговата употреба датира од средниот век, кога патниците го носеле со себе како „водич“ во текот на ноќта. Денес, сепак, се смета како заштитен камен од кошмарите и како „компас“ за наоѓање на вистинскиот пат во најмрачните и најтешки моменти од животот.

Февруари – аметист

Водолиите родени во февруари и Рибите од истиот месец го сметаат Аметистот, одреден вид кварц, за среќен бисер. Меѓу сите камчиња, со векови се сметал за симбол на мудроста и неговото име произлегува од античкиот грчки мит за Дионис. Богот на виното, всушност, ја трансформирал нимфата Аметист во статуа и ја обоил во виолетова боја, истурајќи ја врз неа содржината на нејзиниот пехар. Оттука произлегува терминот „аметист“, што буквално значи „непијан/трезен“, токму затоа што се верувало дека каменот може да заштити од алкохолот што ги опива луѓето и боговите.

Дури и денес, се смета дека аметистот е носител на мирот и умереноста, дејствувајќи на ограничување на вишоците, како во случајот на сензуална или алкохолна интоксикација. Покрај тоа, го ублажува стресот, вознемиреноста и ги ублажува моментите на тага и очај. Конечно, се користи и за стимулирање на имагинацијата, квалитет што ги карактеризира родените под соѕвездието на Водолија и Риби.

Март – аквамарин

Овој скапоцен камен се смета за амблем на спокојството. Како што сугерира неговото име, аквамаринот е прекрасен камен кој може да ги добие сите сини нијанси, од најинтензивната до нежно сината. Се користел од минатото, кога морнарите го носеле со себе за да имаат мирно море,  без бури или други непредвидени настани. Преданијата велат дека во случај на многу разбранувано море, морнарите ги фрлале овие среќни камчиња меѓу бесните бранови за да се обидат да го смират гневот на Посејдон.

profimedia

Дури и денес, гемологијата му дава смирувачки својства. Помага во ублажување на напнатоста и олеснување на вознемиреноста, како и на чистење на умот. Затоа, не е изненадувачки што тој е идеален скапоцен камен за Рибите и Овните родени во март, два хороскопски знаци познати по своите силни и интензивни страсти, кои понекогаш треба да се канализираат и контролираат.

Април – дијамант

Сигурно тие се најпознатите и најпосакуваните скапоцени камења во светот: дијамантите се сметаат за скапоцен камен – заштитник на родените во месец април и околу нив се одвива богата и сложена традиција. Општо, различните култури го сметаат дијамантот за камен на љубовта, чистотата и моќта. Не случајно неговото име потекнува од латинскиот „адамас“, што значи „непобедлив“. Понатаму, тој е одличен спроводник на енергија и затоа се гледа како засилувач на позитивност и оптимизам. Така, дијамантите би помогнале да се избрка негативноста, да се размислува позитивно и да се привлечат нови профитабилни можности.

profimedia

Родените во месец април, астролошки можат да бидат или Овен или Бик, и во двата случаи овој камен би го фаворизирал развојот и добрата насока на креативноста, зајакнувајќи ги уметничките вештини и имагинацијата.

Мај – смарагд

Познатиот зелен камен е среќен за родените во мај и е симбол на надеж, обновување и иднина. Според експертите, смарагдот би помогнал во борбата против здравствените проблеми, фаворизирајќи добра физичка форма на носителот на каменот. Покрај тоа, тој се смета како скапоцен камен на лојален и среќен живот во бракот, на сметка на измачените врски што ги имаше „митската“ женска фигура која замина во историјата како љубител на смарагди: Клеопатра.

На ниво на хороскопски знаци, смарагдот би бил сојузник на двете соѕвездија кои се менуваат во текот на мај, Бик и Близнаци. И во двата случаи, тој кај овие хороскопски знаци би развил отворен ум и врвни идеи со кои тие можат да се истакнат и да ги изненадат сите што се околу нив.

profimedia

Јуни – бисер

Според експертите, родените во јуни имаат три заштитнички камчиња на раѓање, александрит, месечев камен и бисер, но нормално, ние постои тенденција бисерот да се смета како камче кое е најидентификувано со месецот. Бисерот е лунарен симбол, поврзан со водата и жената. Бисерот го претставува принципот Јин, кој е суштински амблем на креативната женственост. Тоа е романтичен камен, со кој е поврзана темата на мудрост и скромност, и кој исто така може да се претстави со други нијанси освен белата, како розова или виолетова нијанса.

Носењето бисери би помогнало секогаш да се насочуваме во правец на вистината и искреноста, бидејќи тоа ќе го подобри личниот интегритет и ќе ја поттикне концентрацијата. Од овие карактеристики, јасно е дека овие камења, наместо за Близнаците, кои се во постојано движење и отворени за новости, се типични за астролошкиот знак Рак. На Раковите, бисерот ќе им се даде чувство на смиреност и подлабоко разбирање на нивните мисли и емоции.

profimedia

Јули – рубин

Рубините се познати по својата длабока црвена боја, а камења – заштитници на месецот јули и претставуваат љубов, виталност и победа. Носењето на овој скапоцен камен би помогнало да се зајакнат овие аспекти на животот, особено на љубовно поле. Всушност, рубинот се смета за амајлија што носи среќа, способна да ги помири расправиите и да фаворизира мирен домашен живот, во име на разбирањето, страста и просперитетот. Заштитува и од опасностите од вода.

Неговата светло црвена боја и моќната енергија добро се вклопуваат во хороскопскиот знак Лав. На Лавовите им носи виталност, ентузијазам и храброст, сите квалитети што ги канализира и зајакнува рубинот.

Август – перидот

Античките Египќани многу го ценеле перидотот, скапоцен камен што го идентификува месецот август. Неговата боја може да варира од чисто зелена до интензивна жолта, но секако најпозната е неговата маслинесто- зелена нијанса. Во античко време, се верувало дека овие камења штитат од искушенијата на Злобниот и од сите темни сили, а се користеле и за засилување на дејството на лековите против различни болести. Сепак, денес на перидот се гледа како симбол на обновување. Се користи за регулирање на „циклусите“ на животот, и физички и психички.

Перидотот особено би им помогнал на родените во месецот август, имено на Лавовите и Девиците. Во случајот на Лавовите, тој би го фаворизир темпераментот и емоциите, додека на Девиците ќе им донесе внатрешен мир и ментален спокој.

Септември – сафир

Сафирот е камен наменет за родените во септември и е симбол на мудрост, ментална острина и духовно истражување. Според верувањето, колку е посветла оваа прекрасна сина скапоценост, толку повеќе значи дека неговите доблести се моќни. Ако го добиете како подарок ќе биде знак на заштита. Експертите веруваат дека сафирот има исклучителна моќ во смирување на умот и подобрување на концентрацијата. Ја ослободува вознемиреноста и стресот, ги подобрува  менталните перформанси и интуитивноста. Конечно, сафирот делува и на рамнотежата помеѓу телото и умот, давајќи ефект на радост и благосостојба.

Во секој случај, не е изненадување што сафирот е поврзан со раѓањата во септември, кои астролошки можат да бидат Девици или Ваги. Девиците се познати по својата рационалност и вештини за расудување, карактеристики кои ги зајакнува сафирот. За Вагите, пак, овој скапоцен камен би ја донел таа рамнотежа помеѓу внатрешноста и надворешниот свет што им е потребна.

Октомври – опал

И октомври има повеќе камења-заштитници: едниот е опалот, додека другиот е турмалинот. Најпознат е првиот, кој уште Римјаните го обожавале како симбол на надежта и чистотата. Опалот е познат по боите и различностите на нијансите. Особено е ефективен во првиот месец од есента, каде промената на сезоната може да делува изнемоштувачки. Всушност, опалот обезбедува емоционална поддршка и ја ублажува депресијата. Дополнително, се смета дека носењето опал е одличен начин да се лекува потсвесната болка и да се екстернизира она што вообичаено го држиме заклучено во умот.

Не е изненадувачки што овој камен би бил соодветен на Вагата и Шкорпијата, двата астролошки знаци на октомври кои ја фаворизираат лојалноста. Опалот обезбедува посветеност, како и заштита во чувствителни ситуации. Тој се користи за пренасочување на негативните влијанија што го блокираат емоционалниот развој.

Ноември – топаз

Топазот се смета за камен на лојалност и пријателство. Можно е да се најде овој среќен скапоцен камен во разни бои кои се движат од црвена до зелена, од жолта до розова, но секако е најредок и најценет оној во сини нијанси. За топазот се верува дека има лековита моќ и помага да се одржи доброто здавје. Покрај ова, многумина веруваат дека носењето како приврзок околу вратот ги зголемува силата и можностите на интелектот. Како и другите сини камења, топазот исто така ја зголемува самодовербата и способноста за учење, а ја подобрува и креативноста.

Така, овој скапоцен камен би дејствувал уште поефикасно кај оние кои се родени во месец ноември, во знакот на Шкорпија или Стрелец. За нив особено, топзаот ќе ја форсира врската со првите подлабоки чувства, носејќи рамнотежа меѓу телото и умот и обезбедувајќи добра здравствена состојба.

Декември – тиркиз

Според некои култури, тиркизот е камен на пријателството, а ако го добиете на подарок добивате со него и можност за лесна дружба. Денес се користи во кристалната терапија поради неговата способност да решава проблеми со видот, додека за гемологијата има својства кои го фаворизираат внатрешниот мир и рамнотежата на емоциите. Во принцип, се верува дека тиркизот е поволен камен, одличен талисман што секогаш треба да го носите со себе за да постигнете среќа и успех.

Тиркизнот особено дејствува позитивно на двата хороскопски знака на декември, Стрелец и Јарец. Всушност, во случај на Стрелецот тој ја ублажува импулсивноста и фаворизира умереност на ниво на чувствата, додека кај знакот Јарец ја зајакнува желбата да се исполни себеси и да ги извршува најважните цели.

 

Поврзани вести

ВИДЕО: Кортни Кокс ја исфрлила водителката од дома бидејќи била лоша цимерка

Слободен печат

ФОТО | Јелена Карлеуша ги замолчи оние кои не веруваат дека се вакцинирала: Јецо, те почитувам, но иглата никаде не ја гледам – Затоа што си слепа!

Слободен печат

Кралицата Елизабета никогаш не открива што сака најмногу да јаде: Има една многу добра причина за тоа!

Слободен печат

ВИДЕО | Новиот хит на „Coldplay“ прв го слушна астронаутот Томас Пескет: Концерт за една личност

Милена Ри

ФОТО | Верна на својот стил: Брижит Макрон во палто кое одлично им прилега на русокосите!

Слободен печат

Што да гледате на „Netflix“ и „HBO“ овој викенд?

Слободен Печат

Остави Коментар