Американскиот порноактер Рон Џереми е прогласен за ментално неспособен да го следи сопственото судење, во процесот по вкупно 34 обвиненија за силување и сексуални злосторства извршени врз 21 жена во период од повеќе од 20 години. Најмладата жртва имала само 15 години. Судот одлучува дали да го испрати во државна болница иако му се закануват повеќе од 300 години затвор. На вчерашното рочиште тој не бил присутен.

Судијата на Врховниот суд во Лос Анџелес на сослушувањето објави дека утврдил, врз основа на извештаите на обвинителите и одбраната, дека порноактерот боледува од „неизлечиво неврокогнитивно нарушување“. Адвокатот што го застапува Џереми од март 2022 година образложил дека неговиот клиент не можел да го препознае својот застапник при посета во неговата ќелија пред судско рочиште.

Последниот наводен напад се случил врз млада девојка во стриптиз клуб помеѓу 2002 и 2003 година. Обвинението беше поднесено кон крајот на јуни 2020 година, за напад врз четири жени, а во август истата година уште 20 жртви се приклучија на тужбата против Џереми.

Рон се појавува во повеќе од 2.000 филмови за возрасни, почнувајќи од 1970-те години.

Повеќе на темата:

Порно актерот боледува од „тешка деменција“: Рон Џереми не е способен за судење

Жртвите на Рон Џереми изнесоа детали за силувањето: „Ги соблече панталоните и ме турна“

Силувал повеќе од 20 луѓе, меѓу кои и малолетно лице: Доживотен затвор за Рон Џереми