Ѕвезда од Премиер лигата брутално претепан, флертувал со девојка на колега
Поранешниот фудбалер на Челси и на англиската репрезентација, Дени Дринквотер е брутално претепан во ноќен клуб во Манчестер бидејќи флертувал со девојката на друг фудбалер, пишува „Сан“.
Дринквотер флертувал и ѝ дофрлувал на девојката на Кгоси Нтихе дека со него ќе го напушти клубот, по што фудбалерот на Скантроп го предупредил да не прави ништо.
Фудбалерот на Челси кој моментно игра како позајмен играч ви Барнли бил исфрлен од обезбедувањето од ноќниот клуб откако бил нападнат од дури шест лица. Напаѓачите го удирале со тапи предмети, а некои од нив бараа да му се скршат нозете.
Сведоците изјавиле дека имало крв на сите страни и дека напаѓачите намерно брутално го тепале бидејќи знаеле дека е ѕвезда во Премиер лигата.
Барнли потврди дека Дринквотер има повреда на зглобот здобиена надвор од фудбалските терени, а при нападот му се повредени и лигаментите поради што го очекува пауза од еден месец.