Дали знаете дека според грубата статистика, во декември се раѓаат најмалку бебиња? Поради ова, некои сметаат дека бебињата во декември се посебни поради повеќе причини.

Верувале или не, научниците од универзитетите во Италија, Шпанија, Велика Британија, Австрија ги истражувале карактеристиките на луѓето кои се родени во последниот месец од годината. Овој период е секако интересен, можеби затоа што е поврзан со празници, радост, подарување и среќа, а тоа може да влијае и на развојот на карактерот. Магично време за магични деца, велат тие.

Секогаш се меѓу најмладите во класот, а кога се запишуваат на факултет помалите деца постигнуваат подобри резултати.

Што се однесува до карактерот, за декемвриските деца важи дека се искрени, дека веруваат дека сите луѓе се добри, дека сакаат да ги споделуваат своите мислења и чувства. Тие се лојални. Велат и дека се родени лидери, ја сакаат работата, колегијални се и се жртвуваат во тоа што го работат. Токму затоа често може да се каже дека се многу успешни – и дека својот успех го постигнале благодарение на себе и на нивните напори, пишува „Бебац“ (Bebac).

Љубовта, семејството и пријателите, покрај работата, се приоритет на родените во декември. Сакаат да фантазираат, па поради големите очекувања понекогаш удираат во ѕид, што може длабоко да ги разочара. И покрај тоа, токму овие фантазии и големи очекувања ги водат до високите цели кои сакаат да ги постигнат – во кои многу често успеваат.

И конечно, декемвриските деца се родени во знакот на Стрелец или Јарец, па ги имаат сите карактеристики на овие знаци. Стрелците се енергични, имагинативни, сакаат да истражуваат и патуваат, додека Јарците се амбициозни, сакаат независност, емотивни се, но во исто време и тврдоглави.