22 C
Скопје

Зоран Павлов, Комисија за управување со Охридскиот регион: На општините им е поважен бизнисот од УНЕСКО статусот

Урбанизацијата на Охридското крајбрежје продолжува и покрај препораките на УНЕСКО и заложбите на Владата за заштита на природното и културно наследство на Охридскиот регион,

– Овој случај отвора многу прашања, по се изгледа, дозволата за градење е со истечен рок, оти била издадена во 2018 година, а посетата на реактивната мисија на УНЕСКО беше во 2017 година. Не може да се дозволи во 2018 година да се носат урбанистички планови и да се издаваат дозволи кога година претходно мисијата децидно кажа „се стопира секоја урбана и крајбрежна трансформација“ – вели за Слободен печат Зоран Павлов, претседател на Комисијата за управување со светското природно и културно наследство на Охридскиот регион во врска со случајот со ресторанот „Парк“ на охридското крајбрежје, нагласувајќи дека ова е многу лош сигнал.

Критикувајќи го ставот на градоначалникот на Охрид, Константин Георгиевски по повод случајот „Парк“, Павлов вели дека сето ова доаѓа во време кога и Владата донесе неколку одлуки и препораки до општините да се усогласат старите плански документи, да се стопира урбанизацијата, да се донесе мораториум и т.н., но очигледно на некои општини поважен им е бизнисот отколку УНЕСКО статусот.

– Ако локалната самоуправа не е заинтересирана да се одржи тој статус време е државата да превземе поостри мерки, па и да одземе ингеренции, оти очекувам дека и во иднина ќе се јавуваат инвеститори кои ќе се повикуваат на стари урбанистички планови, додека општините не се решат да ги ревидираат во насока на препораките на УНЕСКО, што за мене е поразително што досега, после четири години, не е сторено. Да се случеше стриктен мораториум ова немаше да се случува, ама очигледно намерно бил оставен вакуум период за да се истераат вакви работи – дециден е Павлов.

Комисијата со која тој претседава и која трпи бројни критики поради неактивноста и неефикасноста во координирањето на институциите кои треба да се грижат за заштитата на Охрид, не функционира поради истечениот мандат, но нови членови се уште не се назначени од Владата.

Еко-активистите од „Охрид СОС“ неодамна алармираа дека се подготвува изградба на нов хотел на самиот брег на Охридското Езеро, во непосредна близина на хотел „Горица“ и на Студенчишко блато. Објектот на ресторанот е во првата зона, односно појасот од 50 метри од езерските води, каде, според Планот за управување со светското природно и културно наследство на Охридскиот регион е забранета надградба или доградба на постоечките објекти и изградба на нови. Овој објект е дело на познатиот охридски архитект Павел Балабанов и претставува дел од охридското архитектонско наследство. Охридскиот градоначалник Георгиевски за случајот изјави дека целата работа е завршена и дека е доцна за реакции, како и тоа дека од правен аспект немало ништо спорно.

Министерот Нуредини за случајот „Парк“ во Охрид: Ги поддржувам сите активности кои се во согласност со законите!

Поврзани вести

Синдикатот на полицијата во Македонија в сабота на протест

Слободен печат

Во штипското училиште „Гоце Делчев” се инвестираат речиси 20 милиони денари

Слободен печат

ВИДЕО | Заев: Ако може ЕУ да води кампања од јавен интерес, зошто да не може државата

Исплатени ученичките и студенските стипендии за мај

Слободен печат

Заев: Секој има право да побара ново судење доколку има нови докази и аргументи

Слободен печат

Г-7 повика на отпочнување на преговорите за членство на Северна Македонија и Албанија во ЕУ

Слободен печат

Остави Коментар