Екипата на Милан е лидер во Серија А и најави враќање на старите патеки, а најголеми заслуги за тоа има Златан Ибрахимовиќ.

Неверојатниот Швеѓанец со 39 години игра фантастично во Милан, тој е прв стрелец на екипата со 10 постигнати голови и многумина се прашуваат до кога планира да игра.

Тој во Милан беше сведок на смена на генерации, а низ шега за Би-Би-Си изјави дека не планира да застане само на тоа.

– Играв против Паоло Малдини, а сега играм со неговиот син Даниел. Се надевам дека ќе играм и со синот на Даниел, тоа би било чудо, но се е можно кога јас сум во прашање – изјави Ибрахимовиќ.

Златан сепак признава дека дека ги чувствува годините на своите плеќи.
– Не сум истиот играч како пред пет или десет години. Тоа е јасно, искрено не трчам како порано, но сега трчам паметно. Серија А е најтешка за напаѓачите бидејќи дефанзивците се технички и тактички многу добри. Не ми е лесно.