Ждрепка за СП: Србија во Катар ќе игра против исти селекции како пред четири години – Бразил и Швајцарија
Вечерва во Доха, Катар се одржа ждрепката за одредување на групите за Светското првенство и најинтересно се очекува да биде во групата Г каде три репрезентации повторно ќе играат меѓу себе.
Во групата Г се наоѓаат селекциите на Бразил, Швајцарија и Србија кои беа во иста група и на претходното СП во Русија 2018 година. Четвртата селекција во групата е Камерун. На Мундијалот во Русија, пласман во осминафиналето обезбедија Бразил и Швајцарија, додека Србија заврши како трета во групата.
Германија која беше најнепосакуван противник од вториот шешир ќе биде дел од групата Е заедно со Шпанија, со Јапонија и со победникот од бараж мечот помежу Костарика – Нов Зеланд.
Актуелниот светски шампион Франција е носител во групата Д во која се уште и Данска, Тунис и победникот од бараж натпреварот Перу – Австралија/Обединети Арапски Емирати.
Селекцијата на Хрватска е во групата Ф заедно со Белгија, Мароко и Канада.
Светското првенство во Катар ќе се одржи од 21 ноември до 18 декември и ќе се игра на осум стадиони.
Група А: Катар, Холандија, Сенегал, Еквадор
Група Б: Англија, САД, Иран, Европски бараж натп.
Група Ц: Аргентина, Мексико, Полска, Саудиска Арабија
Група Д: Франција, Данска, Тунис, Интерконтинентален бараж натп.1
Група Е: Шпанија, Германија, Јапонија, Интернконтинентален бараж натп.2
Група Ф: Белгија, Хрватска, Мароко, Канада
Група Г: Бразил, Швајцарија, Србија, Камерун
Група Х: Португалија, Уругвај, Јужна Кореја, Гана
The #FIFAWorldCup groups are set 🤩
We can’t wait! 🏆#FinalDraw pic.twitter.com/uaDfdIvbaZ
— FIFA World Cup (@FIFAWorldCup) April 1, 2022