Земјоделците од Свети Николе ги добија првите картички за зелена нафта – Слободен печат
ВестиЕкономија

Земјоделците од Свети Николе ги добија првите картички за зелена нафта

Овче Поле и понатаму останува најземојделскиот регион на истокот, бидејќи овде има над 4.500 индивидуални земјоделци.

Овчеполските земјоделци денеска ги добија првите картички за мерката зелена нафта. Градоначалникот на Општина Свети Николе на доделувањето на картичките истакна дека ова е мерка, што првпат се случува и е на барање на самите земјоделци, а Овче Поле и понатаму останува најземојделскиот регион на истокот, бидејќи овде има над 4.500 индивидуални земјоделци.

– Само оваа година во Министерството за земјоделство, шумарство и водостопанство се регистрирани 98 млади земјоделци, што значи дека земјоделството ни е наша најосновна дејност во овој крај, од друга страна од вкупно 19.000 хектари обработлива површина под закуп се дадени 14.500 хектари. Затоа се надевам дека со оваа мерка на Владата ќе можеме на сите вас земјоделци да ви излеземе во пресрет, вели Велковски.

Лазар Поп Јанев, кој има овошни и лозови насади истакна дека мерката зелена нафта ќе му ги намали трошоците при обработката и производтво на овошје и грозје, но вели дека недостасува организиран откуп на земјоделските производи.

Светниколските земјоделци кои пријавиле субвенции за 2018 година картичките за зелена нафта ќе можат да ги подигнат секој работен ден во подрачната единица на МЗШВ во Свети Николе.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close