Зеленски: Војна против Одеса? Ова ќе биде воено злосторство
Украинскиот претседател Володимир Зеленски изјави дека руските сили се подготвуваат да ја бомбардираат Одеса, град на украинскиот брег на Црното Море.
„Ракети против Одеса? Ова ќе биде воено злосторство“, рече Зеленски во телевизиско обраќање.
Тој рече дека „не е доцна“ руските граѓани да се обидат да ја запрат оваа војна.
„Ова е време кога можеме да го победиме злото, кога се уште не е доцна. Можете едноставно да ја изгубите работата, не ја пропуштајте вашата шанса. Руски граѓани, ова е борба не само за мир во Украина, ова е борба за нашата слобода. Ако сега молчите, во иднина само вашата сиромаштија ќе зборува во ваше име. „Не молчете“, рече Зеленски.
Тој вели дека Украина заробила припадници на руската армија и зборуваше за доказите што ги нашле кај затворениците.
„Стотици руски војници и пилоти кои фрлаа бомби врз нашите градови, ги слушнавме нивните сведоштва, видовме документи, докази како мапи. Ова не е некоја импровизирана војна, тоа е намерна, одлучна намера. Тие ја планираа оваа војна“, нагласи тој и додаде дека Женевската конвенција се почитува во односот кон воените заробеници.
ВО ЖИВО | Украина, од минута во минута: Втор обид за евакуација на цивили од Мариупол