Зеќири: Оставка само со согласност на Владата, ДПК и меѓународната заедница
Градоначалникот на Зубин Поток, Измир Зеќири изјави дека ќе поднесе оставка доколку има договор меѓу Владата на Косово и партијата на која и припаѓа ДПК и со меѓународните партнери, пренесува Економија онлајн.
„Мора да има силна причина за мојата оставка. Ако имаме договор тогаш ќе поднесам оставка. Без договор со претседателот на ДПК Мемли Красниќи, со партијата, со владата и со меѓународниот фактор, нема да поднесам оставка“, рече Зеќири.
Зеќири рече дека тој е првенствено политички одговорен пред Демократската партија на Косово и претседателот на партијата Мемли Красниќи.
„Што се однесува до процедуралните дејствија, секако одговарам пред Владата на Косово, така што одговарам и за процедурите на Косово“, рече Зеќири.