Здравко Чолиќ објави нов сингл со наслов „Не дај да остарим сам“. Музиката и текстот за песната ги потпишува кантавторката Маја Сар, со која ова е негова трета соработка, по песните „Зар се нисмо схватили“ и „Прије него те изгубим“.

Песната тематски се фокусира на љубовта, блискоста и стравот од осаменост, со акцент на емотивните односи и нивната нестабилност. Според најавите, станува збор за продолжување на линијата на интимни и лични теми кои ги обработуваат и во претходните заеднички проекти.

За синглот е реализиран и видеоспот во режија на Горан Ковачиќ. Во него Чолиќ настапува со пијано придружба, а дел од сцените се снимени во Венеција. Визуелниот концепт е минималистички и е насочен кон истакнување на атмосферата и емоцијата на песната.

Смешна анегдота од снимањето на песната „За милион години“: Здравко Чолиќ се жалел поради „завивањето“ на двајца музичари