Зборувајте што сакате, но ќе биде како што ќе каже Леброн
Продолжението на сезоната во НБА лигата е предвидено за 31. јули, но неизвесно е дали тоа ќе се случи.
Причината за неизвеноста лежи во загриженоста и јавните коментари на добар дел од НБА играчите дека кошарката во овој момент не им е во прв план, туку загриженоста за расизмот во САД и пандемијата на коронавирусот.
Иако многумина се против продолжување на сезоната, бекот на ЛА Клиперс, Патрик Беверли, вели дека судбината на актуелната сезона ќе ја одреди најголемата ѕвезда во НБА лигата и ќе биде како што тој ќе каже.
– Играчите можат да зборуваат што сакаат. Доколку Леброн Џејмс каже дека ќе играме, тогаш ќе играме. Ништо лично, само бизнис – изјави Беверли.
Претходните денови во јавноста се јавија неколку НБА ѕвезди кои се запрашаа дали треба и дали сега е вистинското време да се продолжи сезоната кога во САД владеат немири поради убиството на Џорџ Флојд, додека во светот-пандемијата на коронавирусот.