РК Еурофарм Пелистер 2 објави дека на истек на договорот ова лето клубот го напушта тренерот на екипата Александар Зарков. Поради интернационален предизвик Зарков се одлучи за нов почеток.

Зарков е жива легенда на битолскиот клуб, човек кој како играч освои шест титули шампион на Македонија, а беше дел од стручниот штаб и во седмата титула, освоена во сезоната 2022/23. Во последните неколку години беше дел од стручниот штаб Еурофарм Пелистер 2, а од февруари годинава ја презеде екипата како прв тренер по именувањето на Александар Јовиќ во Еурофарм Пелистер.

Пелистерци порачаа дека вратите секогаш ќе бидат отворени за личност и спортист како Зарков. Новиот тренер на Еурофарм Пелистер 2 наскоро ќе биде официјализиран и претставен пред јавноста.