Заради коронавирусот се огласи и компанијата за пиво: „Се надеваме дека знаете дека немаме ништо со тоа“
Во периодот од 18 до 26 јануари, корисниците на интернетот ги пребарувале поимите „корона пиво вирус“ и „пиво вирус“ мислејќи дека мексиканското пиво кое се вика „Корона“ е поврзано со коронавирусот кој досега одзема 170 животи.
Заради ширењето на коронавирусот се појавија бројни теории на заговор околу тоа од каде потекнува вирусот. Заради тие теории денеска мораше да се огласи и познатата компанија „Корона“ која произведува пиво.
Некои луѓе почнале да го поврзуваат пивото „Корона екстра“ со смртоносниот коронавирус од Вухан, па така дури и на интернет од 18 јануари има бројни резултати на пребарувачот кои ги пишува „корона пиво вирус“ и „пиво вирус“.
Сепак, денеска се огласи компанијата која наведува дека веруваат дека нејзините купувачи разбираат дека помеѓу пивото и вирусот нема никаква врска.
– Веруваме дека потрошувачите разбираат дека нема никаква врска помеѓу вирусот и нашето работење – рекла директорката за комуникации, Меги Баумен.
Во периодот од 18 до 26 јануари, корисниците на интернетот ги пребарувале поимите „корона пиво вирус“ и „пиво вирус“ мислејќи дека мексиканското пиво кое се вика „Корона“ е поврзано со коронавирусот кој досега одзема 170 животи.
„Пребарувањето за тие поими порасна за 2.300 отсто“, пишува Бизнис Инсајдер. Сепак, поврзаност помеѓу пивото и вирусот не постои.