Започнува лудилото во НБА: Меколум го напушти Портланд, Сабонис разменет во Сакраменто
На само два дена до завршување на преодниот рок во НБА лигата, екипите почнаа со размените во пресрет на одлучувачкиот дел од сезоната – борбата за пласман во плеј-офот и битката за трофејот.
Најзвучно име кое денеска е разменето е тоа на Си Џеј Меколум кој од Портланд се сели во Њу Орлеанс. Покрај Меколум, Портланд се откажа и од Лери Ненс и Тони Снел во замена за Џош Харт, Томаш Саторански, Никел Александер-Вокер, Диди Лоузада и избор од првата и втората рунда на драфтот.
Portland and New Orleans have agreed upon a trade — CJ McCollum, Larry Nance and Tony Snell are on the way to the Pelicans, sources tell ESPN. https://t.co/Hy4oxNNTiM
— Adrian Wojnarowski (@wojespn) February 8, 2022
Големо внимание предизвика и размената помеѓу Сакраменто кингс и Индијана пејсерс.
Новинарот Адријан Војнаровски објави дека нови играчи на Индијана се Бади Хилд, Тајрис Халибуртон и Тристан Томпсон, додека во Сакраменто заминаа Домантас Сабонис, Џереми Лемб, Џастин Холидеј и избор од втората рунда на драфтот во 2027 година.
ESPN story on Sacramento acquiring Indiana’s Domantas Sabonis — and parting with guard Tyrese Haliburton to make the deal: https://t.co/FP6nu0E6Fl
— Adrian Wojnarowski (@wojespn) February 8, 2022