Српската полиција денеска во Панчево заплени околу 25 килограми супстанца за која се сомнева дека е амфетамин и уапси 19-годишно момче од околината на градот. Пакети со дрога биле закопани во земја, пишува Н1.рс.

Во официјалното соопштение за медиумите на Министерството за внатрешни работи се наведува дека У. Б., роден во 2005 година, е уапсен поради постоење основи на сомнение дека сторил кривично дело неовластено производство и дистрибуција на наркотични дроги. П

Полицијата, во соработка со Управата за криминалистичка полиција, во близина на Панчево пронашла 24 закопани пакети со супстанции слични на амфетамин, за кои постои сомневање дека таму ги криел уапсениот.

Според наредбата на Вишото јавно обвинителство во Панчево, осомничениот е приведен до 48 часа, во кое време ќе биде приведен во обвинителството со кривична пријава, информира полицијата.