Заев: Поканата на Ахмети за средба со лидерите на албанските партии е притисок врз мене и коалицијата „Можеме“
Лидерот на СДСМ, Зоран Заев, изјави дека поканата на претседателот на ДУИ, Али Ахмети, за средба со сите лидери на албанските партии во државата е „притисок врз него и врз коалицијата Можеме“.
„Го гледам ова како притисок врз мене, СДСМ и Коалицијата „Можеме“, за премиер по предлог на ДУИ“, изјави Заев за ТВ21.
На прашањето дали сребата на лидерите на партиите на Албанците, може да влијае врз формирање на новото парламентарно мнозинство, Заев вели дека се уште е прерано да се даде каков било одговор на тоа.
Средбата што ја иницира Ахмети треба да се одржи в четврток, по повод годишнината на Охридскиот рамковен договор. Поканети се Африм Гаши од Алтернатива, Билал Касами од Беса, Зијадин Села од Алијанса за Албанците и Мендух Тачи од ДПА.
Засега нема официјална потврда од поканетите дали ќе одат на заедничката средба со Ахмети.