Заев: Јазикот и писмото се најсилни основи на националниот идентитет

Премиерот  Зоран Заев вечерва се обрати на свечената академија по повод 22-ри ноември – Денот на албанската азбука.

-Ми претставува посебна чест што Ви се обраќам на оваа свечена академија посветена на чествувањето на 22-ри ноември – Денот на албанската азбука, кога се одбележуваат 111 години од одржувањето на „Битолскиот конгрес“, свикан за да се усвои унифицирано албанско писмо. Уште повеќе ме радува фактот што вечерашната свечена академија во чест на овој значаен настан од историјата на албанскиот народ и од историјата на Република Северна Македонија, е само еден од низата настани организирани со голема почит овие денови, по повод Денот на албанската азбука, со што уште еднаш ја потврдуваме определбата на Владата за почитување и унапредување на етничката и културната разноличностш рече Заев.

Денот на азбуката се смета за еден од клучните настани во историјата на албанскиот народ, истакна премиерот Заев, ден кога албанското писмо преку унифицирање и стандардизирање на азбуката стана рамноправен дел од модерното-формираните европски писма и дел од разноличното светското културно наследство.

Прочитајте и...  Над 100 деца заразени од коронавирус во Албанија

-Во градот на конзулите, Битола, избран за седиште на овој конгрес, кој се одржа од 14 до 22 ноември 1908 година, се собрале сите истакнати личности во културниот и политичкиот живот од почетокот на 20 век, претседателот на Конгресот, Митат Фрашери и потпретседателите Луиѓ Гуракучи и Ѓерѓ Киријази, претседателот на Комисијата Ѓерѓ Фишта и други истакнати личности како ‘Ндре Мједа, Шахин Колоња, Сотир Пеци, Бајо Топули и единствената жена на Конгресот Парашчеви Чиријази, за да направат уште еден чекор во албанската култура и историја и да ја усвојат азбуката составена од 36 латински букви, којашто е во употреба до ден денес- рече Заев.

Сведоштво за важноста на „Конгресот во Битола“ – “Kongresi i Manastirit”, освен големиот број на делегати и албански интелектуалци, се и експонатите во поставката на Музејот на албанската азбука во Битола, каде се наоѓа одлуката за единствено, стандардизирано албанско писмо.

Прочитајте и...  На протест во Рим здружните десничарски партии побараа предвремени избори

-Поставката се состои од 56 фотографии и повеќе од 230 дигитални и хартиени документи, меѓу кои и првиот пишуван запис на албанскиот јазик од Пал Енџели од 1462 година.Оваа година се навршуваат и 50 години од објавувањето на читанките за настава на унифицираниот, стандарден албански јазик. Читанките на авторите Хаџи Фида, Хамза Река и на Муса Арифи, како и авторот на букварот Џеват Гега, се вградени сите заедно во афирмацијата на албанскиот јазик, образованието и во негувањето на културните вредности на албанскиот народ- рече Заев.

Јазикот и писмото, истакана Заев, како најсилни основи на националниот идентитет преку кои се чува и се афирмира духовното наследство, претставуваат и потенцијал за општествена интеграција, образование и развој на една заедница која не може да опстојува изолирана и самодоволна.

Прочитајте и...  Силјановска- Давкова: Државата ја направија руина, а држава без стабилни институции не е држава

Во таа насока наша должност и одговорност не е само  да ги почитуваме, чуваме и негуваме етничките, националните, верските и културните разлики на секоја заедница, туку да го искористиме тој потенцијал за да се воспостави  комуникација, разбирање, толеранција и заедништво. Одбележувањето на културните традиции, датуми и духовни наследства на другиот, придонесува кон градење на едно и единствено општество, за сите,  со проевропска и просперитетна иднина. Тоа е посебноста и суштината на нашето заедништво. Нека ни е честит Денот на албанската азбука- рече Заев.

Прочитај повеќе

Регистрирани 147 нови случаи на коронавирус во земјава, починаа 6 лица

Слободен печат

Трамп од Рашмор со пораки на раскол и повик за културна војна против неистомислениците

Слободен печат

Заев: Целиот демократски свет не охрабри дека сме на вистинскиот пат и дека така треба да продолжиме

Слободен печат

Филипче: Болницата во Кавадарци пример за одговорно работење (ФОТО)

Слободен печат

Болсонаро го одобри законот за задолжително носење маска на јавни места

Слободен печат

Изработен прирачник „Купувам домашно“ со објаснување што сè спаѓа во домашни производи

Слободен печат

Остави Коментар

Прочитај повеќе

Северна Кореја ги отфрли надежите за продолжување на преговорите со САД

Слободен печат

Ново жариште во Италија: Се вратил од Косово и место да седи во самоизолација, правел забава

Слободен печат

Белградската „Штарк арена“ повторно станува ковид-болница

Слободен печат

Вице Заев: Објавените разговори се рекла-кажала лаги од трети лица

Слободен печат

Во Хрватска нови 86 заразени со корона вирус

Слободен печат

На протест во Рим здружните десничарски партии побараа предвремени избори

Слободен печат