Задолжителна вакцинација за сите српски полицајци

Имајќи ги предвид спецификите на полициската работа и постојаниот контакт на полицијата со граѓаните, потребно е сите припадници на полицијата, освен оние за кои вакцинирањето не е можно од здравствени причини, да се вакцинираат, соопштија од Министерството за внатрешни работи.

Министерството за внатрешни работи на Србија, со цел да го заштити здравјето на вработените и со цел на создавање колективен имунитет, донесе одлука сите припадници на полицијата да се вакцинираат против вирусот ковид-19, јави дописникот на МИА од Белград.

Имајќи ги предвид спецификите на полициската работа и постојаниот контакт на полицијата со граѓаните, потребно е сите припадници на полицијата, освен оние за кои вакцинирањето не е можно од здравствени причини, да се вакцинираат, соопштија од Министерството за внатрешни работи.

Како што е наведено, вакцинацијата против коронавирусот е препорачана мерка од сите релевантни фактори – Кризниот штаб за спречување и сузбивање на инфективната болест Ковид-19, Министерството за здравство и Институтот за јавно здравје на Србија „Д-р Милан Јовановиќ Батут”.

Во соопштението се забележува дека вработените се должни, во согласност со Законот за безбедност и здравје при работа, да ги спроведат сите превентивни мерки на безбедност и здравје при работа, со цел да го зачуваат своето здравје, како и здравјето на другите вработени.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот