Најлесен начин да препознаете дека ви недостига витамин А во организмот, е тоа што, на пример, наутро се чувствувате убаво и ведро, а до пладне веќе станувате изморени, апатични и некако „сиви“ во лицето.

Витаминот А е вид на витамин кој во нашиот имунолошки систем се бори против вирусите, бактериите и другите патогени, го одржува телото младо и здраво, го подобрува видот и ја прави кожата мазна и здрава.

Луѓето чии клетки се заситени со каротен, т.е. витамин А, остануваат младолики подолго време.

Но, како да ги наполните клетките со каротен? Со тоа што ќе консумирате што е можно повеќе намирници богати со витамин А.

Тоа, пред сè, значи да внесувате што е можно повеќе темнозелен, жолт и црвен зеленчук, како што се спанаќ, брокула, морков, цвекло и тиква. Кајсиите, исто така, содржат многу витамин А.

Како каротенот влегува во крвта?

Каротените се пигменти кои содржат масти. Околу 60 од нив се сметаат за провитамини, прекурсори на витаминот А кои настануваат во текот на метаболизмот. Подготвениот витамин А, научниците го нарекуваат и ретинол, ратинал или ретионоид во зависност од хемиската структура – се наоѓа во некои животински производи како што се црниот дроб, путерот, полномасното млеко, сирењето, јајцата, а особено во рибиното масло. Животните ги претвораат каротените во текот на метаболизмот во готов витамин А. Овој витамин брзо влегува во крвта, а со тоа и во клетките на телото.

Намирници кои содржат витамин А:

– телешки црн дроб
– морков
– спанаќ
– тиква
– папаја
– кељ
– брокула
– диња
– домат
– авокадо
– кајсија
– марула
– грашок
– грав

Што ако на детето му недостига витамин А?

Неодамнешните истражувања покажуваат дека витаминот А е тесно поврзан со хормонот на раст. Поради тоа, децата мора во изобилство да јадат темнозелен, жолт и црвен зеленчук кој влијае на растот на забите, на коските, го зајакнува целиот одбранбен механизам на телото.