Се поблиску сме до почетокот на Ролан Гарос, турнир на кој српскиот тенисер, Новак Ѓоковиќ се обиде да стане најтрофејниот во историјата кога во прашање се грен-слем титулите.

За шансите Ѓоковиќ да го освои овој турнир зборуваше и легендарниот Џон Мекинро. Според легендата на светскиот тенис Ѓоковиќ не е најголем фаворит.

„Ѓоковиќ ќе има силни ривали како што се Алкараз, Руне…Ќе видиме каков ќе биде ждребот, се надевам дека Новак нема да биде во иста половина со Алкараз, бидејќи Данил Медведев сега е на второто место“, изјави Мекинро.

Како најголем фаворит за освојување на турнирот, Мекинро го гледа Шпанецот, Карлос Алкараз.

„Алкараз е прв фаворит, потоа следи Ѓоковиќ. Шпанецот покажа дека е спремен, останатите од младата генерација се уште не се на негово ниво. Има само 20 години, а веќе стана амбасадор на нашиот спорт“, смета Мекинро.

Ролан Гарос започнува на за четири дена на 28-ми мај.