После триумфот над Летонците и ремито со Словенија во Љубљана, македонските „рисови“ ќе се соочат најпрвин со најголемиот фаворит во квалификациската група, Полска.

Избраниците на селекторот Игор Ангеловски на 7. и 10. јуни против Полска и Австрија на Националната Арена „Тодор Проески“ во Скопје ќе се обидат да ја продолжат позитивната серија на резултати и го продолжат сонот.

Фудбалската федерација на Македонија ги повикува сите љубители на фудбалот и поддржувачи на македонската А репрезентација со фер и коректно навивање да помогнат и дојдат фудбалерите до значајни бодови и евентуално се вклучиме во трката за една од првите две позиции кои водат директно на ЕУРО.

Билети за овие два меча можат да се купат преку продажната мрежа на MKTıckets и на посебен пулт на ФФМ во Скопје Сит Мол (пред влезот на кафулето Плеј).

Воедно влезници можете да купите и на благајната на Националната Арена од 1 јуни (сабота), а од 3 јуни (понеделник) и во Фудбалската федерација на Македонија, „Куќа на фудбалот“. Цената на влезниците изнесува од 150 денари.