Вујовиќ: Атмосферата на трибините ни помогна во победата, го „измислив“ Дибиров на среден бек
Тренерот на Вардар, Веселин Вујовиќ има многу причини за задоволство по убедливиот триумф на неговите ракометари против Мешков Брест од 35:27.
Тоа што го најави пред натпреварот, дека одбраната мора да биде на ниво, се оствари, а згора на тоа одлична вечер имаше и голманот Мартин Томовски.
– Десет различни играчи постинаа голови, тоа е најдобар доказ за нашата сила во нападот. Покажува дека имавме баш шутерски ден, но да бидам искрен постигнати 35 гола, реално, не се одлика на нашиот стил на игра. Јас се плашев од овој натпревар, бидејќи знам каква екипа е Мешков Брест. Од голема помош на почетокот ни беа одбраните на Томовски, атмосферата на трибините ни помогна да стинеме до удобна предност. Кога Мешков Брест почна со зоната 5-1 во одбрана во вториот дел, не сакав да играм со браќата Њокас бидејќи уште не се воиграни како што треба, па ете измислив решение некако со Дибиров на среден бек. Морам да потенцирам дека тие имаат многу повредени играчи, ние ја искористивме таа ситуација, им посакувам се најдобро во иднина – изјави Вујовиќ.
Со навивачи е полесно, Вардар преку Мешков до прв триумф во Лигата на шампионите
