Вучиќ: Српската листа убедливо победи во девет од 10 српски општини во Косово
Претседателот на Србија, Александар Вучиќ, вечерва изјави дека Српската листа убедливо победила во девет од 10 српски општини во Косово, и дека во десеттата, во Клокот, ќе одат во втор круг.
Препорачано
Како што пренесуваат српските медиуми, Вучиќ нагласил дека изборите на Косово се многу важни и им честиташе на сите Срби во Косово.
Тој изјави дека на денешните локални избори излегле вкупно 57.786 Срби, што е за 3.667 повеќе од парламентарните избори во февруари, кога гласале 54.109 Срби.
Пристигнаа првите прелиминарни резултати од локалните избори во Косово
Претседателот истакна дека е особено горд и благодарен на Србите во Грачаница кои освоија убедливо мнозинство и додаде дека знае како е извојувана победата во Грачаница во тешки услови.
Вучиќ изјави дека Албанците, по наредба на премиерот во Приштина, Аљбин Курти, регистрирале вкупно 4.900 албански гласачи во Грачаница, и дека на гласање излегле повеќе од 2.500 од нив.
Тој додаде дека насекаде на северот од Косово, во сите четири општини – Косовска Митровица, Зубин Поток, Звечан и Лепосавиќ, Српската листа победи убедливо, од 69 до 80 проценти од гласовите.
