Претседателот на Србија, Александар Вучиќ вечерва се обрати од штабот на партијата Српска напредна партија (СНС), од каде ги соопшти резултатите за Белград.

За да не ве мачиме, ќе ве информирам за правецот и политиката на Србија бидејќи нашите листи убедливо победија пред останатите кандидати, и на ниво на Србија и во градот Белград – рече Вучиќ.

Тој вели дека на изборите за покраинското Собрание на Војводина, кое има 120 пратеници, листата „Србија не смее да запре“ освоила апсолутно мнозинство.

ФОТО: Вака во моментов изгледаат местата во српскиот Парламент

Од 120 пратеници, листата Србија не смее да запре, Вучиќ вели дека ќе има меѓу 67 и 69 пратеници. На второто место се најде листата Србија против насилство, со 28 спрема 29. Сојузот на Унгарците од Војводина е на трето место со најверојатно девет мандати, потоа СПС со седум мандати, коалицијата НАДА со шест мандати и некоја руска партија со еден мандат.

„Србија против насилство“: Очекуваме победа во Белград

– Што се однесува до Србија, на примерок од 76 отсто, така што е можно да се смени за плус-минус 1 отсто. Србија не смее да застане на 46,5 отсто, СПН на 23,5, имаме некаде двојно повеќе на ниво на Србија. СПС 6,5 отсто, НАДА 4,9 отсто, Несторовиќ 4,7 отсто и СВМ 1,9 отсто – рече тој.

Листата „Србија не смее да запре“ сигурно ќе има повеќе од 127 мандати, додаде Вучиќ.

ЦЕСИД/ИПСО ги објави првите неофицијални изборни резултати во Србија