По повод оставката на Арбен Фетаи од функцијата заменик-претседател на Владата задолжен за добро владеење, коалицијата Вреди изрази благодарност за неговиот досегашен ангажман, коректност и придонес.

Во соопштението се наведува дека Фетаи, при извршувањето на оваа одговорна функција, покажал сериозност, професионалност и посветеност кон принципите на добро владеење, отчетност и институционална одговорност.

Од Вреди посочуваат дека ја почитуваат неговата одлука и истовремено му се заблагодаруваат за соработката и придонесот што го дал во овој период.

„На г. Фетаи му посакуваме добро здравје, успех и сè најдобро во иднина“, се наведува во соопштението на Вреди.

Мицкоски за оставката на Фетаи: Ќе видиме со коалициските партнери