Славниот бразилски фудбалер Марсело го доживеа еден од најлошите моменти во кариерата. За жал, истото може да се каже и за Лучијано Санчез, фудбалерот на Аргентинос јуниорс кој заработи страшна повреда на натпреварот против Флуминенсе во Копа Либертадорес.

Марсело имаше контрола на топката, а целата ситуација беше навистина несреќен случај. Аргентинецот се обиде да ја одземе топката, а во тој момент левиот бек кој минуваше покрај него го згазна на ногата која беше во лоша позиција.

Аргентинецот веднаш почна да вреска од болки, а Марсело не можеше да се смири и поради тоа што се случи, додека го напушташе теренот, плачеше и ја стискаше главата.

Соиграчите се обидоа да го смират, а нема сомнеж дека и двајцата фудбалери ќе го паметат овој момент до крајот на животот.

За жал, прашање е дали Санчез воопшто ќе може да ја продолжи кариерата.

Imágenes muy duras. Desolado Marcelo después de esta acción totalmente fortuita sobre Sánchez. pic.twitter.com/m9bYudgViE

— Juan A. Lopesino (@lopesinoJA) August 1, 2023