Возачот кој вчера на автопатот кај Славонски Брод предизвика сообраќајна несреќа во кој загинаа десет лица денес пред истражен судија се бранеше со молчење.

Тој беше испрашуван, по што Државното правобранителство утре наутро ќе донесе одлука за понатамошниот тек на постапката, односно за тоа дали ќе побара притвор за возачот или ќе го ослободи.

Возачот е осомничен за кривично дело од член 227 од Кривичниот законик – предизвикување сообраќајна незгода во сообраќајот на патиштата, пришто му се заканува казна затвор до 15 години.

Косовски министри во Хрватска

Косовските министри пристигнаа во Хрватска откако вчера во тешка сообраќајна несреќа загинаа десет лица. Тие се состанаа со општинските власти на Славонски Брод, полицијата и директорот на тамошната болница.

Во несреќата повредени се 45 лица, а директорот на општата болница Славонски Брод, Јосип Самарџиќ, потврди дека двајца тешко повредени патници се стабилни, и дека дваесетина лица ќе бидат пуштени дома, нивната состојба сè уште се следи. Тие сè уште се под мерки на интензивно лекување и нега и следење на виталните функции. Промената е во тоа што во текот на денот беа извршени неколку операции – извршени се вкупно седум постапки на жртвите од таа сообраќајна несреќа.