Возач на камион, кој бил полн со дрва, се обидел да прегази полициски службеници кои сакале да го запрат поради контрола, соопшти охридската полиција. Полицајците возвратиле со пукање.

„Инцидент се случил вчера вечерта во 23:15 кај место викано ,,Бел Мост“, во атар на с.Волино. Полициски службеници дале знак за запирање на товарно возило, со цел да се изврши контрола врз возилото. Но, возачот не застанал туку со возилото се обидел да ги удри полициските службеници. При тоа од страна на полициските службеници биле испукани неколку куршуми, по што возачот се дал во бегство, а возилото кое било натоварено со дрва е запленето“ соопшти СВР Охрид.

Се преземаат мерки за расчистување на случајот.

Приведен гостиварец, се сомничи дека силувал малолетничка, па објавувал снимки на социјалните мрежи