Дваесет и деветгодишен жител на гостиварско Здуње е приведен од полицијата под сомнение дека силувал малолетничка во Гостивар, а потоа објавил експлицитни фотографии и видеа на социјални мрежи, соопшти СВР Тетово. Случајот бил пријавен на 24 април од нејзиниот татко.

Според пријавата, осомничениот пред неколку месеци со возило ја пресретнал девојката, употребил сила и ѝсо употреба на физичка сила извршило силување, при што ѝ упатило закани по нејзиниот живот и по животот на нејзиното семејство.

Полицијата по објавата на експлицитните содржини презела мерки, по што лицето било пронајдено и лишено од слобода. При претрес во неговиот дом и уште една локација во село Равен биле одземени лаптоп, мобилен телефон, УСБ-стик и други предмети. Осомничениот е задржан, а ќе следува соодветна пријава.