Вооруженото насилство во САД не престана ни во 2023 година: 33 масовни престрелки за само три недели

САД полиција/ Фото: Robyn BECK / AFP / Profimedia

Најмалку 10 лица загинаа, а уште 10 се ранети, некои во критична состојба, по масовното пукање во Монтереј парк, Калифорнија. Убиецот пукал во луѓе во студио за танцување, а потоа отишол во друг таков клуб, каде што бил спречен од обезбедувањето. На крајот се самоубил, откако бил опколен од полиција. Тој е идентификуван како 72-годишниот Ху Кан Тран.

„Многу работи уште остануваат непознати, но сцените на агонија и ужас се сè попознати во Америка“, пишува Си-Ен-Ен и додава: „Неверојатни 32 масовни престрелки се случија во првите три недели од оваа година во Америка, од Гошен, Калифорнија до Балтимор, Мериленд. Оној во паркот Монтереј е 33 ваков случај“.

„Жителите во тие делови на Америка се вознемирени бидејќи другите се подготвуваат за можноста од такво насилство во нивните дворови“, пишува Си-Ен-Ен.

Потпретседателката Камала Харис од Флорида изјави дека мора да се стави крај на масовните вооружени насилства во САД.

„Сите ние во оваа просторија и во нашата земја разбираме дека ова насилство мора да престане“ изјави таа.

Но, како тоа ќе се одвива сето тоа со поделениот Конгрес, многу различните политички рецепти и длабоко вкоренетата култура на оружје останува да се види, заклучува Си-Ен-Ен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот