1 C
Скопје

Војната во макбаскетот продолжува: МЗТ Скопје си ги бара парите од КФСМ назад, во спротивно следи тужба

МЗТ Скопје Аеродром и Кошаркарската федерација на Македонија (КФСМ) ја продолжуваат војната по одлуката да не биде прогласен шампион. Тимот од Аеродром бара да му бидат вратени парите, нешто повеќе од 17.000 евра кои се уплатени во касата на КФСМ.

Доколку парите не бидат вратени за три дена, МЗТ Скопје најавува правна постапка и тужба за претседателот на КФСМ, Перо Антиќ.

Соопштението на МЗТ Скопје Аеродром ви го пренесуваме во целост:

„МЗТ Скопје Аеродром би сакал да ја извести јавноста дека останува доследен на своите заложби искажани во периодот во кој челниците на Кошаркарската федерација на Македонија (КФМ) правеа сѐ што можеа да ја поништат сезоната 2019/20 без да прогласат шампион, па денеска и официјално испрати допис до Куќата на кошарката во кој си ги бараме сите пари кои ги уплативме на нивната сметка од почетокот до прекинот на првенството.

Прочитајте и...  ВИДЕО: Хјустон со победа ја започна ерата без Харден, Јокиќ ги среди „воините“

Правните соработници на нашиот клуб сметаат дека со одлуката за поништување на сезоната се оштетени нашата, но и сите други прволигашки екипи, на кои им е нанесена голема метеријална штета. МЗТ Скопје Аеродром до средината на март на сметка на КФМ уплати 1,06 милиони денари (нешто повеќе од 17.000 евра), кои бараме да ни бидат вратени од страна на Перо Антиќ и од неговите соработници и тоа во рок од – три дена.

Ако челниците на македонската кошарка во овој рок не ги уплатат на сметката на клубот парите кои ние им ги дадовме за да ја организираат Првата лига, а потоа и да ја завршат според личниот и според интересот на нивните коалициски партнери, тогаш ќе бидеме принудени да изготвиме и да поднесеме пријава за сторени кривични дела. Од Основното Јавно обвинителство ќе побараме да поведе постапка за кривичен прогон против овластеното лице на КФМ, односно против претседателот Перо Антиќ и тоа за кривично дело „Измама“, како и за кривично дело „Злоупотреба на службена должност“.

Прочитајте и...  Прв позитивен случај на Мундијалот во Египет

Ова е само наш прв конкретен чекор во најавената борба против раководството на КФМ, поради нивната лоша работа, непотизам и ставање на личните интереси пред доброто на македонската кошарка, што јавноста можеше да го види од небулозниот начин на кој ги истуркаа одлуките за поништување на кои уште од самиот старт инсистираа, без разлика на актите, процедурите и на последиците. Сѐ останато што споменавме во изминатиот период, меѓу што е и размислувањето дали ќе играме во Првата лига следната сезона и понатаму стои како опција, која би можеле да биде официјализирана на некоја од седниците на нашиот Борд на директори во периодот кој следува“, стои во соопштението на МЗТ Скопје Аеродром.

Прочитајте и...  Прва жртва на релито Дакар, француски мотоциклист почина на пат кон родниот Лил

Поврзани вести

Крај за момчето од Ливерпул кое стана легенда на Манчестер јунајтед, Вејн Руни ја заврши кариерата

Слободен печат

ФОТО: Како изгледа карантинот на Ѓоковиќ за 1.800 евра

Слободен печат

ПСЖ бара помош од држвата за плати за вработените, а на Покетино му дава осум милиони евра годишно

Слободен печат

Погба искрен пред големото дерби: Има само еден вистински фаворит за титулата

Слободен печат

Прв позитивен случај на Мундијалот во Египет

Слободен печат

Не е нормално Милан да не игра во Лигата на шампионите

Слободен печат

Остави Коментар