Во тесна борба со Маленко: Памела Андерсон се разведува по петти пат, по само една година брак
Уште една романса од пандемијата ќе стане минато – Памела Андерсон и нејзиниот сопруг Ден Хејхерст се разведуваат по само една година брак.
Поранешната ѕвезда на „Baywatch“ поднесува барање за развод во родната Канада, каде што таа и нејзиниот сега отуѓен сопруг живееја откако се венчаа на Бадник 2020 година, на церемонија на имотот на Андерсон на островот Ванкувер.
„Памела љуби автентично како што живее“, изјави извор близок на Памела, додавајќи дека краткиот брак бил „пандемски виор“ што згаснал.
View this post on Instagram
Врзувањето на Андерсон и Хејхерст беше опфатено со драма од самиот почеток, кога поранешната на Хејхерст, Кери, излезе со бесни наводи дека Андерсон го разделила нивното семејство.
„Решив да проговорам затоа што сакам луѓето да знаат дека мојата речиси петгодишна врска, со вклучени три деца, заврши поради аферата што ја започнаа Пем и Ден додека тој сè уште беше со мене. Тажно е што луѓето го слават ова и ги бодрат, кога започна со измама, негирања и избори кои го уништуваат животот за сите инволвирани луѓе“, изјави Кери откако склучувањето на бракот излезе на виделина.
View this post on Instagram
Андерсон (54) и Хејхерст не изгледаа вознемирени од тврдењата на неговата поранешна девојка, со оглед на фактот дека набргу потоа се огласија со интервју од нивниот брачен кревет.
„Ова е како магично место за живеење, претпоставувам. Тој работеше овде, а јас се заглавив овде за време на Ковид, и се заглавивме заедно, и сè уште сме заглавени заедно. Тој е тип на човек што веројатно би го запознала ако останав дома и да не го обиколев светот и да полудев. Мислам, дојдов дома во едно парче. Убаво е да се биде со вистински маж кој всушност може да смени сијалица“, изјави Памела во интервјуто.
View this post on Instagram
Памела се забавувала со Хејхерст во септември 2020 година по разводот од сопругот Џон Питерс, со кого била во брак само 12 дена.
Секс-симболот прво беше во брак со Томи Ли, со кого ги дели синовите Брендон (25) и Дилан (24). Потоа се омажи и се разведе со Кид Рок во 2006 година.
Таа продолжи и се омажи за музичкиот продуцент Рик Саломон двапати, прво во 2007 година, што заврши со поништување и повторно во 2013 година. Потоа Андерсон се омажи со Питерс во јануари 2020 година.
View this post on Instagram
