Во страотна сообраќајка повредена е жена на скопската обиколница
Жена е тешко повредеба во сообраќајна несреќа која се случила вчера во 14.20 часот на скопската обиколница во близина на клучка за село Стајковци, извести МВР.
Според полицијата сообраќајката се случила кога возило „опел корса“ управувано од М.С. (34) од тетовското село Долно Палчиште, тетовско изгубило контрола и удрило во металната ограда и канделабра.
Од ударот канделабрата паднала на коловозот од обиколницата од спротивната насока.
Во тој момент автомобил „мерцедес МЛ320“ управуван од П.Т.(49) од гостиварското село Врапчиште и „фолксваген поло“ управувано од Р.Ј.(48) од Скопје удриле во металната канделабра.
По незгодата, М.С. била пренесена во комплекс клиники „Мајка Тереза“ каде по извршените прегледи е задржана на лекување.
Фото: ФБ група Ѕид на сообраќајниот срам