Во завршна фаза е изградбата на новиот спортски комплекс во Стајковци „Иван Илиев“ во кој како што информираат од Општина Гази Баба, се гради спортски терен на подлога од вештачка трева, како и ново кошаркарско игралиште на подлога од асфалт.

– Истовремено се направи и реконструкција на детското катче кое е во рамки на спортскиот комплекс кој ќе го носи името на Иван Илиев, дете од населеното место Стајковци кое го загуби животот во поплавите во 2016-та година – информираат од оваа локална самоуправа.