Во Србија се продаваат 3.000 нерегистрирани суплементи
На интернет пазарот на додатоци во исхраната во Србија годинава се идентификувани 92 страници со 6.700 огласи преку кои се продаваат додатоци во исхраната кои не се регистрирани во базата на податоци на Министерството за здравство, соопшти денеска Стопанската комора на Србија (ПКС).
Последните податоци покажуваат дека на продажба се огласени повеќе од 3.000 нерегистрирани суплементи, што е за 30 отсто помалку од 2019 година, беше речено на стручниот состанок „Проблем со недозволена трговија со додатоци во исхраната во Република Србија“.
Мирјана Вучиќевиќ, секретар на Здружението за фармација и медицинска дејност на ПКС, рече дека проблемот со нелегалната циркулација на додатоци во исхраната не е изразен само во Србија, туку и во далеку поразвиените земји.
Бројките покажуваат дека во 2022 година во аптеките во Србија биле продадени 47 милиони пакувања со додатоци во исхраната, што е зголемување за 33 отсто во споредба со 2019 година. Лани извозот на овие производи од Србија бил вреден 35,7 милиони долари, а додатоците во исхраната биле увезени за 71,2 милиони долари.
Во Србија работат 110 производители на додатоци во исхраната, од кои 40 обезбедуваат услуги за договорно производство, објави Данас.рс.