Од Општина Аеродром информираат дека во основните училишта се воведува програма за финансиска едукација преку која, како што велат од Општината, основците ќе се запознаат со значењето на даноците и зошто се плаќаат, како и со функционирањето на економијата.

„Во Општина Аеродром започнува проектот „Фискална едукација“! Горди сме што токму нашата општина е прва во државата која ја воведува оваа програма во основните училишта. Од тука започнува процесот на едукација на младите за финансиската и даночната култура – вештини што се клучни за нивната иднина. Преку практични и интерактивни активности, учениците ќе учат како правилно се управува со парите, зошто се плаќаат даноци и како функционира економијата околу нас“, се вели во соопштението на Општината.