Американската технолошка компанија Google објави кратко видео во кое ги рекламира своите нови Pixel 10 телефони и во исто време се потсмева на својот конкурент Apple за неговите неисполнети ветувања за надградба на асистентот Siri со вештачка интелигенција.
Во видеото, кое беше објавено на платформата „Youtube“ и мрежата „X“, нараторот иронично им кажува на корисниците дека „едноставно можат да го променат телефонот“ ако го купиле уредот за функција што „доаѓа наскоро“, но сè уште не е испорачана. „Google“ го искористи добро познатиот мотив од песната „The Next Episode“ од раперот Dr. Dre- пишува Каматица.

Во исто време, компанијата потврди дека презентацијата на новите телефони ќе се одржи на 20 август, во 19:00 часот по средноевропско време.

„Епл“ минатата година објави дека нивниот iPhone 16 ќе добие значително подобрување на асистентот Сири со помош на вештачка интелигенција, но оваа функција не е достапна ниту по една година, а рекламата што ја промовираше оттогаш е повлечена, објавува порталот Verge.