Поради лошата финансиска година, управата на Јувентус планира да се ослободи од фудбалерите кои имаат најголеми плати.

Јувентус минатата недела пријави минус од 254,3 милиони евра за сезоната 2021/22, што претставува најголема загуба во историјата на Серија А.

Поради ова раководството на „бјанконерите“ би можело да ја смени стратегијата и да се ослободи од фудбалерите со најголеми плати и тие што идното лето ќе бидат слободни играчи, а на мета ќе бидат Анхел Ди Марија, Хуан Квадрадо, Адриен Рабио и Алекс Сандро.

Квадрадо, кој заработува пет милиони евра годишно, одбил да прифати намалување на платата.

Алекс Сандро кој често е на удар на критичарите поради слабите игри моментно заработува 6,5 милиони евра по сезона, додека Рабио е вториот најплатен играч во клубот со годишна плата од 8 милиони евра.

Ситуацијата со Ди Марија е многу појасна откако Аргентинецот изрази желба да помине една сезона во клубот од Торино и да се врати во татковината по Мундијалот во Катар.