Во Интер доаѓа фантастичен напаѓач за 15 милиони евра
Интер ќе доведе уште еден напаѓач до крајот на преодниот рок за да го комплетира офанзивниот дел од тимот. По заминувањето на Ромелу Лукаку, првата реакција беше ангажирањето на Един Џеко, но тоа не е крај на засилувањата кога станува збор за напаѓачите.
Маркус Турам се споменуваше последните денови, но францускиот напаѓач отпадна од комбинација, па „нераѕурите“ се свртеа кон опциите „дома“.
На крајот, изборот падна на Андреа Белоти, долгогодишен напаѓач на Торино и еден од најдобрите стрелци во Серија А во последните неколку сезони. Едно време, Урбано Каиро го процени на 100 милиони евра.
Преговорите помеѓу Торино и Интер започнаа во понеделникот и завршија доцна синоќа. Европскиот шампион со Италија пристигнува на „Џузепе Меаца“ за 15 милиони евра.
Торино побара 20 милиони за играч чиј договор истекува на крајот на сезоната, но снаодливиот Џузепе Марота успеа да ја намали таа сума. Претходно, Белоти изрази желба да го напушти клубот, тој побара и трансфер во Интер, а се очекува наскоро да потпише договор.
TMW – Inter, trovato l'accordo con il Torino per Belotti. Le cifre dell'affare https://t.co/CL2l1DJsq7
— TUTTOmercatoWEB (@TuttoMercatoWeb) August 23, 2021
27-годишниот фудбалер досега постигна 99 голови во Серија А, а во првото коло беше стрелец против Аталанта, што се очекува да биде негов последен натпревар во дресот на „биковите“.
Интер започна фантастично во одбрана на Скудетото, успеа со 4:0 дома да ја совлада Џенова на нашиот Горан Пандев.