Во Црна Гора од денес веќе нема да биде забрането движењето од 23 часот до 05 наутро, а почнуваат со работа и кафулињата, рестораните и трговските центри.

Од денеска на цела територија на Црна Гора е дозволен сообраќај со патнички и такси возила, а од понеделник и јавен патнички и железнички превоз, пренесува РТЦГ.

Се укинуваат и привремените мерки дека во патничко возило можат да се возат најмногу две полнолетни лица.

И патничкиот и јавниот превоз и понатаму подразбираат користење на заштитна маска, освен во патничкиот превоз во случај кога во возилото се возат членови на фамилија.

Од денеска е овозможено работење на угостителските објекти и трговски центри и користење на плажите.

Во Црна Гора до сега се регистрирани вкупно 324 заболени.