Во Бејрут втор ден насилни протести, пожар пред парламентот, демонстрантите се судрија со полицијата (ВИДЕО)

epa08593955 Lebanese anti-government protesters clash with security forces in the area close to the parliament in Beirut, Lebanon, 09 August 2020. Clashes erupted again between protesters and security forces, one day after thousands of anti-government protests erupted demanding that all officials responsible for the Beirut explosion should be hanged. EPA-EFE/WAEL HAMZEH

Во Бејрут, втор ден по ред, демонстранти се собираат на протест, притоа фрлајќи камења кон безбедносните сили кои го блокираа патот до зградата на Парламентот во Либан.

Како што пренесуваат странските агенции, стотици демонстранти се собрале на главниот плоштад  кои протестираат против политичката елита која ја обвинуваат за економската и политичката криза во земјата, како и за неодамнешната катастрофална експлозија во пристаништето.

Либанската полиција вечерва употреби солзавец против демонстрантите кои силите на редот ги гаѓаа со камења блокирајќи го патот недалеку од парламентот во центарот на Бејрут, на втор ден од протестите против Владата.

Пожар избри на влезот од плоштадот пред парламентот, додека демонстрантите се обидуваа да го пробијат полицискиот кордон.

Демонстранитите исто така провалија и во просториите на Министерството за станбени прашања и сообраќај.

„Сакаме да ја уништиме владата. Тие не ни даваат ни работа и ни го ускратуваат правото“, рече Нисан Грави, 19-годишен демонстрант.

Еден полицаец беше убиен во судирите меѓу полицијата и демонстрантите вчера, а демонстрантите упаднаа во неколку министерства, како и во банкарското здружение.

Според најновите податоци, во експлозијата во пристаништето во центарот на Бејрут загинаа 158 лица, а повредени се повеќе од 6.000, додека 21 лице се водат како исчезнати. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот