Во последните шест месеци, најмалку 274 мажи, 58 жени и две момчиња биле јавно камшикувани во Авганистан, според извештајот на ОН во понеделникот.

Огромното мнозинство биле казнети со 30 до 39 удари со камшик за вонбрачни врски, бегство од дома, кражби, хомосексуалност, консумирање алкохол, измама и шверц на дрога.

Во декември беше извршена и една јавна егзекуција во присуство на високи функционери. Осудениот бил егзекутиран за убиство на друг маж со ладно оружје во 2017 година.

„Тесното казнување е кршење на Конвенцијата против тортура и мора да престане. ОН силно се противат на смртната казна и ги повикуваат властите итно да воведат мораториум на егзекуциите“, рече Фиона Фрејзер, шеф на канцеларијата за човекови права на ОН во Кабул.

Талибанското Министерство за надворешни работи соопшти дека осудените се казнети врз основа на исламскиот кривичен законик и дека казните се неопходни за да се гарантира целосна безбедност на луѓето.

Се додава и дека секој политички систем има свои стандарди и пристапи.

„Исламскиот емират ги извршува сите свои активности во светлината на светата религија ислам и е целосно посветен на тоа“, се вели во соопштението.