Иако паркирањето во сенка на бор во текот на летото е бегство од високите температури, тоа носи и опасност за бојата на вашиот автомобил
Смолата и птичјиот измет, кои често се акумулираат на возилата под дрвјата, имаат агресивен ефект и можат да ја оштетат бојата. Поновите автомобили со боја на база на вода, која е почувствителна од онаа направена со органски растворувачи, се особено изложени на ризик.

Затоа, ако имате избор, препорачливо е да паркирате во сенката што ја обезбедуваат зградите, наместо под дрвјата. Сепак, бидејќи ова е често непрактично, важно е да знаете како да ги отстраните овие нечистотии на соодветен начин.

Како безбедно да се отстранат нечистотиите?

Најважно е да се реагира што е можно поскоро и внимателно да се отстрани смолата и птичјиот измет, за да не се предизвика уште поголема штета.

Птичји измет: Најдобро се отстранува со вода и мека крпа. Препорачливо е секогаш да имате шише вода со вас. Истурете вода врз дамката и нежно тријте. Многу е полесно да се отстрани додека не се исуши. По чистењето, задолжително измијте ги рацете, бидејќи птичјиот измет е токсичен.

Смола: Смолата е потешка за чистење. Можете да ја отстраните со топла вода измешана со малку шампон, со нежно триење. Агресивните дејства можат да ја оштетат бојата. Еден од корисните „домашни рецепти“ е употребата на маслиново масло со мека крпа. Во случај смолата да е тешко да се отстрани, најдобро е да побарате стручна помош во автоперална.