ВМРО-ДПМНЕ: Наместо оставка, Караџовски со награда „13 Ноември”
Вистински скандал е што наместо оставка на Жарко Караџовски за над 900 починати лица поради ковид пандемијата, градот Скопје, Петре Шилегов и власта на Заев му дадоа награда 13 Ноември, реагираат од опозициската партија ВМРО-ДПМНЕ.
-Тоа преставува деградирање и омаловажување на самата награда. Заслугите на Жарко Караџовски се тоа што во земјава дневно се заразуваат над 800 лица, Градот Скопје е главен корона кластер и сме држава со убедливо најголем процент на починати лица по глава на жител во регионот. Дополнително во составот на комисијата која одлучува за наградата 13 Ноември е и советникот на Зоран Заев, Љубиша Станковиќ, што значи советникот на Заев му доделил награда на сатрапот на македонското здравство Караџовски, а Шилегов тоа го одобрил- велат оттаму.
Појаснуваат дека секаде во светот фрштат оставки поради лошото справување со кризата, само кај нас делат награди. Петре Шилегов со ова ја деградира наградата 13 Ноември.