Владата на денешната седница одзеде уште шест лиценци на фирми кои одгледуваат медицинска марихуана, откако биле утврдени законски пропусти од страна на надлежната комисија, соопшти владината портпаролка Марија Митева.

„Да, имаше денеска шест точки од Министерството за здравство и шест лиценци денеска владата ги одзема“ рече Митева.

Околу тоа кои се фирмите, рече дека повеќе детали има Министерството за здравство, каде што и практично е надлежната комисија.

„Од она што можав да го видам, станува збор за законски пропусти при извршена проверка од страна на комисијата, којашто е надлежна да ги провери сите услови коишто треба да ги поседуваат“, додаде портпаролката на Владата.

Досега девет компании останаа без лиценците за производство на медицински канабис