Мирослав Илиќ и Мирјана Антоновиќ со години водеа судски спор за докажување на татковството на нивниот син Девин, а Вишиот суд во Белград донесе одлука во корист на мајката и синот.

Антоновиќ се огласи на социјалните мрежи и откри дека по втор пат е заклучено дека Мирослав и Девин се татко и син.

„Добро утро, драги пријатели! Дозволете ми брзо да ве информирам дека Вишиот суд во Белград, по втор пат, одлучи во НАША корист. Мирослав во медиумите изјави дека не разбира како судот може да дојде до одлуката дека тој е таткото на Девин без негова согласност да обезбеди ДНК. Кога маж користи и се крие зад застарен закон и одбива да ја даде својата ДНК, судот мора да одлучи врз основа на сведоци, слики и многу други докази. На крајот на краиштата, Високиот суд, по втор пат заклучи дека Девин и Мирослав, се татко и син. Нема да верувате!!! Мирослав повторно поднесе жалба до Апелациониот суд. Се надеваме дека неговите во Апелациониот суд ќе бидат фер и конечно стават печат на празните манипулации на Мирослав“, напиша таа.

Да потсетиме, Мирослав Илиќ генерално не сакаше да зборува јавно на оваа тема, но во една прилика истакна дека сопругата 50 години го поддржува во сѐ и дека никаква пресуда нема да влијае на нивната врска.

Мирјана и Девин живеат во Америка, а во Србија доаѓаат само на судските рочишта.