Виолета Томовска, Ленче и Горан Кукиќ, Ристо Самарџиев ќе пеат во чест на Јонче Христовски

Фото: Принтскрин/Јутјуб

Во чест на легендарниот македонски пејач Јонче Христовски, Камерниот оркестар на Битола ќе одржи два концерти – првиот на 4 април во Центарот за култура во Битола, а вториот на 5 април во Национална опера и балет во Скопје, со почеток од 20 часот.

На двата концерти, познати имиња од македонската музичка сцена ќе ги отпеат најпознатите и најубави песни од Христовски. Неговите најубави музички бисери ќе бидат испеани од Виолета Томовска, Ленче Кукиќ, Горан Кукиќ, Ристо Самарџиев, Душко Георгиевски, Петар Младеновски (Суперхикс), Елена Андоновска, Агни Авшар, придружени од Камерниот оркестар на Битола.

Легендарниот македонски пејач, текстописец и композитор на песни во народен дух, славата на македонскиот мелос ја пронесуваше низ целиот свет.

Најпозната негова песна е „Македонско девојче“, чии препеани верзии се појавија на англиски, германски, дански, италијански, руски, српски, француски и шпански јазик. Од големиот музички опус на Христовски се издвојуваат и „Ај засвирете ми чалгии“, „Ако умрам ил загинам“, „И ние сме деца на Македонија“…

Јонче Христовски почина во 2000 година, на 69-годишна возраст.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот